+7 (777) 001 44 99
Қазақша
Русский
English
Қазақша
Русский
English
Грецияда мыңдаған адам Афина маңында шыққан өрттен қашып, үйлерінен кетуге мәжбүр болды, - деп хабарлайды Tengrinews.kz тілшісі DW-ге сілтеме жасап.
Грек өртсөндірушілері мәліметінше, Афиндан солтүстікке қарай 20 шақырым жердегі Татой аймағының тұрғындары Греция астанасына қарай бет алған.
©REUTERS
Грекияның азаматтық қорғау және дағдарысты басқару министрінің орынбасары Никос Хардалиас Афинаның Солтүстік маңындағы Варибоби ауылы маңында 90-нан аса үй, 27 кәсіпорын толығымен немесе ішінара өртеніп, 80-нен аса көлік отқа оранғанын мәлімдеді.
Interior view of burnt out restaurant as a wildfire continues to rage at Varympompi suburb north of Athens in Greece on August 4, 2021. #Greece #greecefires #βαρυμπομπη #Πυρκαγιά #forestfires pic.twitter.com/UZQlb8w7hx
— Alexandros Michailidis (@Alexandros__M) August 4, 2021
Грек Денсаулық сақтау басқармасы қала орталығын текше метрге 465 микрограмм ұсақ дисперсті шаң басқанын хабарлады. Еуропалық Одақ ауаның текше метріне 50 микрограмм лимит белгілеген. Грецияның басқа бөліктерінде де орман өрттері байқалды. Бұл Пелопоннестің оңтүстігіндегі жағалау аймағында, сондай-ақ Эвиа мен Кос аралдарында халықты эвакуациялауға тура келген.
©REUTERS
Өртті жоюға бес ұшақ пен тоғыз тікұшақ қосылған және армия, полиция, муниципалды жұмысшылар және ондаған ерікті жұмылған.
©REUTERS
Грециядағы өрт салдарынан соңғы қырық жылда ең күшті ыстық тіркелген. Елдің көп ауданында ауа температурасы 44 градустан асады.
Айта кетейік, Греция осы жазда орман өрттерінен зардап шеккен жалғыз ел емес. Италия, Түркия және Албания, сондай-ақ Солтүстік Македония да жоғары температурадан туындаған өртке оранды. ЕО-ның бірнеше елдері, соның ішінде Кипр, Чехия, Франция, Словения және Нидерланды орман өртімен күресуге көмектесу үшін Греция, Италия, Албания және Солтүстік Македонияға өз ресурстарын жіберді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
