+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ Орталық барлау агенттігінің (Central Intelligence Agency) директоры "Талибан" қозғалысының жетекшісімен жасырын кездесу өткізді (Жоғарғы сот шешімімен Қазақстанда тыйым салынған), - деп хабарлайды Tengrinews.kz тілшісі Reuters агенттігіне сілтеме жасап.
АҚШ Орталық барлау агенттігінің (Central Intelligence Agency) директоры "Талибан" қозғалысының жетекшісімен жасырын кездесу өткізді (Жоғарғы сот шешімімен Қазақстанда тыйым салынған), - деп хабарлайды Tengrinews.kz тілшісі Reuters агенттігіне сілтеме жасап.
Конгресстегі дереккөз Reuters агенттігіне берген сұхбатында президент Джо Байден CIA басшысы Уильям Бернсті 23 тамызда Кабулға "Талибан" басшысы Абдул Ғани Барадармен кездесуге жібергені айтылған.
Дереккөз мәліметінше, Бернс пен Барадар 31 тамызда АҚШ әскерін Ауғанстаннан шығару мерзімін талқылаған. CIA бастығы сейсенбіде конгрестің сайланған мүшелері, соның ішінде барлау комитеті мүшелерімен кездесуді талқылайды.
Бұл ретте тараптардың ешқайсысы CIA бастығы мен молда Барадар кездескені туралы ақпаратты растаған жоқ. Егер ақпарат расталса, бұл АҚШ әкімшілігінің жоғары лауазымды қызметкері мен "Талибан" көшбасшысы арасындағы осындай деңгейдегі алғашқы диалог болады.
Айта кетейік, АҚШ президенті Джо Байден 31 тамызды 2001 жылдан бері Ауғанстанда жүрген әскерді толық шығарудың соңғы мерзімі деп тағайындады. "Талибан" қозғалысының өкілі Сухейл Шахин 31 тамыз АҚШ әскерін шығарудың соңғы күні екенін айтты. АҚШ одақтастары, оның ішінде Ұлыбритания да мерзімнің ұзартылуын қалайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
