+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ БҰҰ Қауіпсіздік кеңесінің отырысында Украинамен қақтығыс үшін Ресейді сынауды күшейтті, - деп хабарлайды Tengrinews.kz тілшісі АҚШ мемлекеттік департаментінің сайтына сілтеме жасап.
АҚШ БҰҰ Қауіпсіздік кеңесінің отырысында Украинамен қақтығыс үшін Ресейді сынауды күшейтті, - деп хабарлайды Tengrinews.kz тілшісі АҚШ мемлекеттік департаментінің сайтына сілтеме жасап.
АҚШ мемлекеттік хатшысы Энтони Блинкен БҰҰ Қауіпсіздік кеңесінің отырысында Ресей мобилизация жариялау арқылы Украинадағы қақтығыстың шиеленісуін күшейтуге шешім қабылдағанын айтты.
"Путин шиеленісті бәсеңдету туралы емес, керісінше шиеленістіру шешімін қабылдады. Халықаралық тәртіп біздің көз алдымызда күйреп барады. Ресейдің Украинаның жаңа аумақтарын аннексиялау әрекеті тағы бір қауіпті әрекет, сонымен қатар дипломатиядан бас тарту", - деді Блинкен.
Today at the @UN Security Council, we called on Russia to end its war of aggression. We will support Ukraine and its people for as long as it takes, as they bravely defend their country and its freedom, and we will hold Russia accountable for its atrocities. pic.twitter.com/HKMOkxWUrb
— Secretary Antony Blinken (@SecBlinken) September 22, 2022
Сыртқы саясат ведомствосының басшысы АҚШ-тың Украинаны қорғауын жалғастырып, дипломатиялық шешімге келу үшін ұстанымын нығайта беретінін атап өтті.
"Бұл соғысты бір ғана адам таңдады. Мұны бір адам тоқтата алады. Өйткені Ресей соғысуды тоқтатса, соғыс аяқталады. Украина соғысты тоқтатса, Украинаның шаруасы бітеді. Президент Путин өз таңдауын жасады. Енді бұл біздің барлық елдердің еншісінде", - деп баса айтты Блинкен.
Оның айтуынша, кеңестің әрбір мүшесі Ресейдің "ойсыз" ядролық қоқан-лоқысын дереу тоқтату керектігі туралы нақты хабарлама жіберуі керек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
