+7 (777) 001 44 99
Қазақша
Русский
English
АҚШ үкіметі Украина төңірегіндегі оқиғаларға байланысты ресейлік әуекомпанияларына әуе кеңістігін жабу туралы шешім қабылдады, - деп хабарлайды Tengrinews.kz тілшісі.
Бұл туралы президент Джо Байден "елдің жағдайы туралы" конгреске жолдаған үндеуінде мәлімдеді (State of the Union), ол үндеу Америка басшысының Twitter-дегі парақшасында жүргізілді.
"Бүгін мен одақтастарымызға Ресейдің барлық рейстеріне америкалық әуе кеңістігін жауып, Ресейді одан ары оқшаулап, олардың экономикасына қосымша қысым жасайтынымызды жариялаймын", - деді Байден.
Бұған қоса, Байден АҚШ әскері Украинадағы ресейлік тараппен қақтығысқа қатыспайтынын айтты.
"Ашық айтайын: біздің әскер Украинадағы ресейлік күштермен қақтығысқа қатысқан жоқ және қатыспайды да", - деді Ақ үй басшысы.
Ол америкалық әскер Еуропаға Украинада соғысу үшін емес, Путин Батысқа жылжуды жалғастыра беретін болса, НАТО-дағы одақтастарын қорғау үшін орналастырылғанын айтты.
"НАТО елдерін, соның ішінде Польша, Румыния, Латвия, Литва және Эстонияны қорғау үшін америкалық құрлық күштерін, әуе эскадрильяларын, әскери-теңіз күштерін жұмылдырдық", - деп қосты Америка президенті.
Ол АҚШ Әділет министрлігі ресейлік олигархтардың қылмыстарын тергеу үшін арнайы жұмыс тобын құрып жатқанын баса айтты.
The U.S. Department of Justice is assembling a dedicated task force to go after the crimes of Russian oligarchs.
— President Biden (@POTUS) March 2, 2022
We are joining with our European allies to find and seize their yachts, their luxury apartments, their private jets.
We are coming for their ill-begotten gains.
"Біз еуропалық одақтастарымызға олардың яхталарын, сәнді пәтерлерін, жеке ұшақтарын тауып, тәркілеу үшін көмектесеміз", - деді Байден.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
