+7 (777) 001 44 99
Қазақша
Русский
English
15 желтоқсан 2021 | 15:08
АҚШ-та COVID-19 құрбандарының саны көбейді
АҚШ-та коронавирустан қайтыс болғандар саны 800 мыңнан асты, - деп хабарлайды Tengrinews.kz тілшісі Daily Mail басылымына сілтеме жасап.
ПОДЕЛИТЬСЯ
АҚШ-та коронавирустан қайтыс болғандар саны 800 мыңнан асты, - деп хабарлайды Tengrinews.kz тілшісі Daily Mail басылымына сілтеме жасап.
Джонс Хопкинс университетінің мәліметі бойынша, АҚШ-та коронавирусқа байланысты ауру мен өлім-жітімнің саны күн сайын өсіп, 800 343 жағдайға жетті. Бұл көрсеткіш әлемдегі ең жоғары көрсеткіш.
©REUTERS
Сонымен, әлемнің әртүрлі елдеріндегі коронавирус инфекциясын бақылайтын халықаралық Worldometer ресурсының мәліметі бойынша, АҚШ-та пандемия басталғалы бері аурудың салдарынан 821 335 адам қайтыс болды.
©REUTERS
АҚШ әлем халқының шамамен 4 пайызын құраса, пандемия басталғаннан бері коронавирустан болған 5,3 миллион өлімнің шамамен 15 пайызы осы елде тіркелді. АҚШ-та коронавирустан қайтыс болғандар саны Екінші дүниежүзілік соғыста қайтыс болған америкалықтардың санын екі есеге арттырды.
АҚШ президенті Джо Байден сейсенбі күні кешке осы ауыр кезең туралы мәлімдеме жасады.
"COVID-19 салдарынан қайтыс болған 800 000 адамды және олардың өмірін еске аламыз және олардың артында қалғандар үшін дұға етеміз. Мен барлық америкалықтарды еліміздің қауіпсіздігін сақтауға, патриоттық парызды орындауға шақырамын", - деді президент.
©REUTERS
Бұған дейін АҚШ-та коронавирустан қайтыс болғандар саны 1918 жылғы испан тұмауы пандемиясының құрбандарының санынан асып кеткені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
