АҚШ-та Қытайдан жіберілген 3 мыңнан аса жалған вакцинация сертификаты тәркіленді

АҚШ-тың Аляска штатындағы Анкоридж қаласындағы шекара және кеден қызметкерлері, Қытайдан жіберілген 3000-нан аса жалған вакцинация сертификатын тәркіледі, - деп хабарлайды Tengrinews.kz тілшісі Reuters сілтеме жасап.

Агенттік мәліметінше, құжаттардың сапасы нашар, бірақ олардың дизайны АҚШ-тың Ауруларды бақылау және алдын алу орталығының (CDC) шынайы сертификаттарына ұқсас. Кеденшілер заңсыз жүк салынған 150-ге жуық жолдаманы анықтады. Қытайдан жіберуші бір адам.

"Бұл жалған вакцинация сертификаттарын анықтау америкалықтар қауіпсіздігі үшін маңызды. Аляскадағы отандастарымызға деген қамқорлық. Біз мақтанышпен айтатын көп міндеттердің бірі", - деді Анкоридж аймақтық порт директоры Лэнс Робинсон.

Анкоридждегі жергілікті порт директорының көмекшісі Кимберли Фернандестің айтуынша, жалған вакцинация сертификаттары АҚШ-тың Аляскадан басқа жерлеріне де жөнелтілген.

FedEx Corp халықаралық торабы орналасқан Тед Стивенс Анкоридж халықаралық әуежайы - әлемдегі жүк тасымалдау көлемі бойынша төртінші орында.

Бұған дейін АҚШ-тың фармацевті COVID-19-ға қарсы вакцинаның жүзден аса сертификатын сатқаны үшін 120 жылға бас бостандығынан айырылғаны хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!