+7 (777) 001 44 99
Қазақша
Русский
English
АҚШ-тағы Огайо штатында тұрғындарды коронавирусқа қарсы вакцина салдыруға ынталандыру үшін лотерея ұйымдастырылды. Жеңімпазға 1 миллион доллар ақшалай сыйлық беріледі, - деп хабарлайды Tengrinews.kz тілшісі жергілікті WHIO порталына сілтеме жасап.
Огайо губернаторы Майк Девайн ұтыс ойынына тек вакцина алған ересек тұрғындар қатысатынын айтты. Лотерея федералды үкіметтің коронавируспен күресуге бөлінген қаражатынан төленеді.
Вакцина салдырғандардың арасында апта сайын бір миллион доллар ойнатылады. Лотереяға қатысу үшін препараттың екінші дозасын алу міндетті емес.
"Кейбіреулер "Девайн, сен жындысың! Ақшаны ысырап етесің" деп айтуы мүмкін екенін білемін". Алайда қазір біз үшін тұрғындарымызды вакциналау өте маңызды, сондықтан кез келген әдісті қолдануға дайынбыз", - деп жазды губернатор Twitter-дегі парақшасында.
Мемлекет вакциналанған 18 жасқа дейінгі тұрғындарға да лотерея жасады. Оларда 1 миллион доллардың орнына Огайо университеттерінің бірінде оқуға төрт жылдық стипендия жеңіп алуға мүмкіндік бар.
To be eligible to win, you must be at least 18 years of age or older on the day of the drawing. You must be an Ohio resident. And, you must be vaccinated before the drawing.
— Governor Mike DeWine (@GovMikeDeWine) May 12, 2021
We will have further, specific details tomorrow and in the days ahead.
Бұрған дейін Нью-Джерсиде де ұқсас шара ұйымдастырлған. Штат губернаторы мамырда коронавирусқа қарсы вакцинацияланған әрбір ересек адамға бір стақан сыра беруге уәде етті.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
