+7 (777) 001 44 99
Қазақша
Русский
English
Қазақша
Русский
English
АҚШ Өкілдер палатасының спикері Нэнси Пелоси Азияға сапары Тайваньдағы немесе аймақтағы кво-статусын өзгертуге байланысты болмағанын айтты, - деп хабарлайды Tengrinews.kz тілшісі Reuters агенттігіне сілтеме жасап.
Пелоси мен америкалық делегация Жапонияда жүр. Бұл - Азияға сапардың соңғы кезеңі. Токиода өткен баспасөз мәслихаты кезінде Пелоси оның Тайбэйге сапарына қатысты туындаған айыптауларға жауап берді.
©REUTERS
"Біз мұндағы өкілдігіміз Тайваньдағы немесе аймақтағы кво-статусын өзгертуге байланысты емес екенін басынан-ақ айттық", - деді ол Жапония премьер-министрі Фумио Кисидамен кездесуден кейін.
As our Delegation concludes our visit to the Indo-Pacific, we return strengthened and informed by our travels.
— Nancy Pelosi (@SpeakerPelosi) August 5, 2022
Join us live for insight into how we will continues working to build a free and open Indo-Pacific upon returning to the United States. https://t.co/DnV5p729jC
Осы уақытта Қытай әскери жаттығулардың бір бөлігі ретінде ұшырған бес баллистикалық зымыран Жапонияның ерекше экономикалық аймағына (ЕЭА) түсіп, бұл Вашингтонның ең жақын одақтастарының бірі Токионы дипломатиялық арналар арқылы наразылық білдіруге мәжбүр етті.
©REUTERS
Мемлекеттік хатшы Энтони Блинкен Оңтүстік-Шығыс Азия елдері қауымдастығының (АСЕАН) саммитінде АҚШ Тайваньның кво-статусын өзгертуге, әсіресе күшпен өзгертуге бағытталған кез келген біржақты әрекетке қарсы екенін және оның Тайваньға қатысты саясаты өзгермегенін айтты.
"Біз және бүкіл әлем елдері эскалация ешкімнің мүддесіне сай емес күтпеген салдарға әкелуі мүмкін деп санаймыз, соның ішінде АСЕАН мүшелеріне және Қытайға", - деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
