+7 (777) 001 44 99
Қазақша
Русский
English
АҚШ Ұлттық аллергиялық және жұқпалы аурулар институтының директоры Энтони Фаучи жаңа "омикрон" штамының қауіптілігі туралы алғашқы зерттеулер оны жігерлендіретінін мәлімдеді, - деп хабарлайды Tengrinews.kz тілшісі Deutsche Welle арнасына сілтеме жасап.
Бұл туралы Фаучи CNN телеарнасына берген сұхбатында айтты. Ол сондай-ақ Африканың оңтүстігіндегі елдерге саяхатқа салынған тыйым жақын арада қалпына келеді деп үміттенеді.
"Алғашқы зерттеулердің қорытындысы бойынша жаңа "омикрон" штамы өте ауыр түрде өтпейтін секілді. Бірақ оның ауыр немесе жеңіл өтетіндігі, "дельта" штамына қарағанда жеңіл деген қорытынды жасамас бұрын өте сақ болуымыз керек", -деді Фаучи.
Басылымда атап өтілгендей, медициналық сарапшының түсініктемелері жаңа штамм алғаш табылған Оңтүстік Африкада ауруханаға жатқандар өспегеннен туындаған.
"Тыйым біз ештеңе білмей, не болып жатқанын түсінбеген кезде және Оңтүстік Африкада жағдайдың күрт өзгергенін көрген кезде енгізілді. Сондықтан бұл жағдайды барынша түсінуге уақыт берді", - деді Фаучи.
АҚШ-тың бас инфекционисі сонымен қатар "омикрон" АҚШ-тың ондаған штаттарында табылғанын, бірақ "дельта" басым штамм болып қала беретінін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
