+7 (777) 001 44 99
Қазақша
Русский
English
Қазақша
Русский
English
АҚШ Қарулы күштерінің Кабулдағы шабуылынан зардап шеккендер саны 12-ге жетті, - деп хабарлайды Tengrinews.kz тілшісі РИА Новости порталына сілтеме жасап.
АҚШ әскери күштері жексенбіде Ауғанстан астанасында көптеген жарылғыш зат тиелген көлікті ұшқышсыз ұшатын аппаратпен жарғанын хабарлады. Өйткені ол Кабул әуежайына тікелей қауіп төндіретіні айтылды.
Кейінірек CNN Кабулдағы жарылыс кезінде тоғыз бейбіт тұрғын, оның ішінде алты бала қаза тапқанын мәлімдеді.
Операцияға жауапты орталық қолбасшылықтың мәлімдемесіне сәйкес, мұндағы мақсат "Ислам мемлекеті - Вилаят Хорасан" (Қазақстанда тыйым салынған) террористік тобымен байланысты болған, оны АҚШ 13 америкалық әскери қызметші қаза болған әуежай маңындағы жарылысқа кіналап отыр.
Еске салайық, тамыздың басында "Талибан" қозғалысы (Қазақстанда террористік ретінде тыйым салынған) Ауғанстандағы үкіметтік күштерге күш көрсете бастады.
Тәліптер 15 тамызда ел астанасына кіріп, президент сарайын бақылауына алды, ал 16 тамызда Ауғанстанда соғыс аяқталып, жақын арада мемлекетті басқару тәртібі нақтыланатыны мәлімделді. Әзірге тәліптер бақылауына өтпеген бір ғана провинция бар, ол - Кабулдың солтүстік-шығысындағы Панжшер.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
