"Әлем аруы - 2021" байқауының жеңімпазы аталды

Сурет: instagram.com/missworld

Пуэрто-Рикода "Әлем аруы-2021" сұлулық байқауының 70-мерейтойы аяқталды, - деп хабарлайды Tengrinews.kz тілшісі.

Байқау жеңімпазы, тәж иегері польшалық Каролина Белявская болды. Бұл туралы байқаудың Twitter-дегі ресми парақшасында хабарланды.

Our Miss World 2021 is Karolina Bielawska from Poland! #missworld pic.twitter.com/jYkjbylUub
— Miss World (@MissWorldLtd) March 17, 2022

Посмотреть эту публикацию в Instagram

Публикация от Miss World (@missworld)

Бірінші вице-мисс америкалық Шри Сайни, екінші вице-мисс Кот-д'Ивуардан келген Оливия Яс атанды.

Our newly crowned Miss World Karolina Bielawska from Poland with 1st Runner Up Shree Saini from United States 2nd Runner up Olivia Yace from Côte d’Ivoire#missworld pic.twitter.com/FFskxtk0KO
— Miss World (@MissWorldLtd) March 17, 2022

Каролина әлемнің 97 елінен келген қатысушылардан озды. "Әлем аруы" байқауын ұйымдастырушылардың айтуынша, 22 жастағы Каролина қазіргі уақытта менеджмент саласында магистр дәрежесін алып, докторантурада оқуын жалғастырып жатыр. Ол модель боп та жұмыс істейді.

Посмотреть эту публикацию в Instagram

Публикация от MISS WORLD POLAND 2021 (@karolinabielawska)

Ару қайырымдылықпен де айналысады. Оның "Сұлулық мақсатымен" атты жобасы Польшадағы үйсіз жандарға үнемі көмек көрсетеді. Жоба Польшадағы Лодзь қаласындағы 300-ге жуық мұқтаж адамға ыстық тамақ, азық-түлік, киім, маскалар, заңгерлік кеңестер мен кәсіби медициналық қолдау көрсетуге бағытталған.

Посмотреть эту публикацию в Instagram

Публикация от MISS WORLD POLAND 2021 (@karolinabielawska)'

"Әлем аруы" байқауында Қазақстан атынан ақтөбелік 23 жастағы Назерке Карманова өнер көрсетті.

Еске салайық, 2021 жылғы "Әлем аруы" сұлулық байқауының финалы қатысушылар арасында COVID-19 таралғаны белгілі болғаннан кейін кейінге қалдырылған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!