+7 (777) 001 44 99
Қазақша
Русский
English
Қазақша
Русский
English
АҚШ-тың Джорджия штатының тұрғыны Крис Уильямсон криптоквалютаға салған ақшасының арқасында бір түнде триллионер атанды, - деп хабарлайды Tengrinews.kz тілшісі Fox Business басылымына сілтеме жасап.
Басылым мәліметінше, Уильямсон Rocket Bunny деп аталатын криптовалютаға 20 доллар салған. Жақында ол шотын тексеріп, триллионер атанғанын білген.
"Төсектен құлап қалдым. Содан кейін досыма қоңырау шалып, маған мұның бәрін қалай сатып жіберу керек екенін түсіндіруін сұрадым", - дейді Уильямсон басылымға берген сұхбатында.
Ер адам криптовалютаны басқа шотқа аудармақ болған, бірақ бұл жағдайда сома мүлдем басқаша болады.
I’m gonna need someone to explain what the heck is going on and then write me a check. I got a mega yacht shaped like a penguin on standby. #cryptotrillionaire @RocketBunny2021 @coinbase @CoinbaseSupport @CoinbasePro pic.twitter.com/dyxKvx11WS
— Christopher Williamson (@Christo44044658) June 16, 2021
Жағдайды нақтылау үшін Уильямсон Coinbase криптовалюта сатып алу және сату алаңынан көмек сұраған, онда олар қазіргі уақытта бұл мәселені зерттеп жатқанын айтты. Ол Rocket Bunny жасаушыларына да жүгінген, бірақ жауап алмапты. Бір нәрсені түсіндіре ала ма деп Илон Маскқа да жазған көрінеді.
"Жағдайға қарасақ, бұл соманы ешқашан ала алмайтынымды түсінесің", - дейді Крис Уильямсон.
Қазір триллиондар жатқан шот уақытша бұғатталып тұр, сондықтан ер адам одан ақша ала алмайды немесе олардан бірдеңе сатып ала алмайды.
Уильямсон ақшаға қол жеткізсе, адамдарға, ең алдымен туыстарына көмектесетінін айтады.
Басылымда жаңа триллионердің досы да осы криптовалютаны сатып алғаны, бірақ оның есебінде ақша көбеймегені жазылған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
