+7 (777) 001 44 99
Қазақша
Русский
English
Анкараның орталығында әскерилерге арналған жатақхана ғимаратының маңында жарылыс болды, - деп хабарлайды РИА Новости агенттігі NTV телеарнасына сілтеме жасап.
Жарылыс жергілікті уақыт бойынша 19.30-да болған. Қуатты жарылыс түрік астанасының көпшілік ауданында естілген. Оқиға орнына өрт сөндіру қызметінің жеткені хабарланып отыр. Алдын ала мәлімет бойынша, әскери машина жатақхана маңынан өтіп бара жатқан кезінде сол маңда тұрған көлік жарылған. Ал Түркияның билеуші партиясының өкілдері жарылыстың теракт екенін мәлімдеді.
© Cihan_News
Куәгерлер түсірген сурет
Билік өкілдерінің мәліметінше, жарылғыш зат қойылған автомобиль жарылып, кем дегенде бес адам қаза тапқан. Түркия премьер-министрі Ахмет Дәуітоғлы бұл төтенше жағдайдан хабар алған. CNN Turk зардап шеккендер жайлы мәлімет таратып жатыр. Оқиға орнына жедел жәрдем қызметкерлері жеткен.
