Анкарада болған жарылыстан 20-дан аса адам қаза тапты

Анкарада болған жарылыстан 20-дан аса адам қаза тауып, 100-ге жуығы зардап шекті, - деп хабарлайды РИА Новости. Түркиядағы теміржол вокзалының маңында екі жарылыс болды.

Айта кетейік, жарылыс болған кезде вокзал маңындағы эстакаданың астынан кәсіподақ ұйымдастырған "Еңбек, бейбітшілік, демократия" митингінің қатысушылары өтіп бара жатқан. Түрік ақпарат құралдарының хабарлауынша, куәгерлер бұл жарысты лаңкес-жанкештілердің ұйымдастыру мүмкін екендерін айтып отыр.

Еске сала кетейік, 8 қыркүйекте Түркияда Күрдістан жұмыс партиясының (КЖП) содырлары шағын автобусты жарып жіберді, салдарынан 10 полицей қаза тапты. Түркияда заңсыз деп танылған КЖП содырлары жолдың бойына жарылғыш зат қойған. Оны басып кеткен шағын автобус жарылды. Оқиға Түркияның оңтүстік шығысындағы Игдир провинциясында болды.