Калифорния соты Samsung-ті екі патент құқығын бұзғаны үшін Apple-ге 120 миллион доллар төлеуге міндеттеді, деп хабарлайды Tengrinews.kz РИА Новостиге сілтеме жасай отырып.
Сот отырысына арнайы сайланған қатысушылар Samsung компаниясы Apple-ге 119,6 миллиона доллар төлеу керек деп шешті, алайда америкалық компанияның екі патентке қатысты айыбын растамады. Сот Apple Samsung-тің бір патентіне қарсы құқық бұзды деп санайды, бұл үшін 158,4 мың доллар өтемақы төленетінін айтты.
Apple Samsung-тің Galaxy S3-ті қосқанда он девайсына наразылық білдіре отырып, компания бес патент бойынша құқық бұзды деп санайды. Америкалық компания Samsung-тен екі миллиардтан астам өтемақы талап еткен. Ал Samsung iPhone 5 пен iPod-ты қосқанда Apple-дің төрт девайсы оңтүстіккореялық компанияның екі патентіне қарсы құқық бұзды деп, 6,2 миллион доллар талап еткен.
Apple мен Samsung нарықтағы көшбасшылық үшін төрт құрлықта бір-бірімен бәсекелесіп келеді. Агенттік деректері бойынша өткен жылы олардың табысы 338,2 миллиард долларды құраған. Samsung компаниясының табысы 31 пайызды құраса, Apple-дің табысы 15 пайызды құрайды
