АҚШ-тың Чандлер қаласының жасөспірімдері мектепті аяқтауына байланысты үй жұмысы жазылған дәптерлерден сарқырама жасады, - деп хабарлайды Mashable.
Видеороликте мектептің жоғарғы қабатынан баспалдаққа дәптерлер мен парақтар төгіледі. Осыдан кейін жасөспірімдер қағаздар үстімен сырғанап түскені көрінеді.
Видео @GIRLposts атты қолданушының Twitter желісіндегі парақшасында жарияланып, көпшіліктің назарын аудартқан. Видеоның сипаттамасында қолданушылар жасөспірімдердің ұшқыр ойына таңданып, осының бәрін жинайтын адамның мұңына ортақ екенін білдірген.
