Ассамда 2500-ге жуық мүйізтұмсық мүйіздері өртелді

Үндістанның Ассам штатының билігі Бүкіләлемдік мүйізтұмсық күніне орай 2500-ге жуық мүйізді өртеуге шешім қабылдады, - деп хабарлайды Tengrinews.kz тілшісі Hindustan Times агенттігіне сілтеме жасап.

 Үкімет осылайша, мүйізде емдік құндылықтың жоқтығын, сондықтан сирек кездесетін жануарларды өлтірудің пайдасыз екендігін көрсеткісі келген. Бұл мүйіз қорының әлемдегі ең үлкен қоры болғандығы айтылады.

"Бұл іс-шара арқылы біз бүкіл әлемге, үнді мүйізтұмсықтардың мүйіздері емдік қасиетке ие емес екенін жеткізгіміз келді. Біз адамдарды сирек кездесетін жануарларды өлтірмеуге және сатып алмауға шақырамыз. Ырымдар мен мифтерге сенбей, мүйізтұмсықтардың табиғи түрде өмір сүруіне және өсуіне мүмкіндік беруіміз керек ", - деді Ассам Бас министрі Химанта Бисва Сарма.

Гувахати қаласынан 240 шақырым жерде орналасқан стадионда алты үлкен алауда 2479 мүйіз өртелді.

Rhinos are magnificent beasts!

Poaching & habitat loss are driving these distinctive creatures to the brink of extinction.

Assam govt burns 2,479 rhino horns in the presence of CM @himantabiswa to bust myths about the usefulness of the horns & prevent poaching.#WorldRhinoDay pic.twitter.com/4dqrTQMnCS

— P C Mohan (@PCMohanMP) September 22, 2021

"Кейбіреулер мүйіздерді өртегенше сату керек еді деп ойлайды. Бірақ біз табыс табу үшін тәркіленген дәрі-дәрмектерді сата алмайтынымыз сияқты, үнді мүйізтұмсығының мүйізін сатудан ақша таба алмаймыз. Африкада сирек кездесетін жануарлардың тәркіленген мүйіздері өртеледі. Алайда, олардың саны онша көп емес. Менің ойымша, біз бүгін әлемдік рекорд орнатамыз", - деп қосты министр.

Айта кету керек, 1979 жылдан бері штаттағы ұлттық саябақтар мен қорықтарда браконьерлерден күйдірілген мүйіздер алынып, өлі мүйізтұмсықтар кесіліп, 12 аудандық қазынада сақталған.

©REUTERS

Министрдің айтуынша, бұдан былай табиғи өлімнен немесе түрлі апаттар кезінде өлген жануарлардан алынған үнді мүйізтұмсығының барлық мүйізі жыл сайын өртеледі, ұзақ сақталмайды.

Орман шаруашылығы министрі Паримал Суклабайдья мүйіздерді жоймас бұрын, сарапшылар оларды сақталған қазынада ғылыми әдістермен сынақтан өткізгенін айтты. Әр мүйіз тазартылды, өлшенді, суретке түсірілді, бірегей штрих-кодпен таңбаланды, ДНҚ үлгілері алынды, қапталды және қайтадан мөрленді.

©REUTERS

Ғылыми дәлелдердің жоқтығына қарамастан, үнді мүйізтұмсықтары бірнеше Азия елдерінде, соның ішінде Қытай мен Вьетнамда дәстүрлі медицинаның бөлігі болып табылады. Кератиннен жасалған әр мүйіз (шашта, тырнақта) мыңдаған АҚШ долларына бағаланады, бұл Азия мен Африкада мүйізтұмсықтардың жойылуына әкеледі.

"Ғылыми тұрғыдан алғанда, үнді мүйізтұмсықтарының мүйіздерінің құны жоқ, бірақ кейбір нарықтарда оның емдік қасиеттері туралы ырымға негізделген баға бар. Егер біз оларды сақтайтын болсақ, осындай ырымдарға сенгендей боламыз. Ассамда сақталғандар жойылып жатыр", - деді Үндістанның жабайы табиғат қорының (WTI) директоры Ратхин Барман.

Today is #WorldRhinoDay and to mark the occasion, the government of Assam has taken bold steps to burn around 2,500 rhino horns.

This extraordinary step sends a clear message that rhino horns possess no medicinal properties and that the killing of rhinos is unacceptable. pic.twitter.com/BbduwoO7hE

— David Shepherd Wildlife Foundation (@DSWFWildlife) September 22, 2021

"Мен Ассам үкіметін Үнді мүйізтұмсықтарының мүйіздерін өртеп, олардың медициналық құндылығы жоқ екенін түсіндіру туралы шешімімен құттықтаймын. Мүйіз тек тірі жануарға жарасады, басқа мақсаттарға жарамайды", - деді (CEO) Aaranyak, жабайы табиғатты қорғау жөніндегі үкіметтік емес ұйымның атқарушы директоры Бибхаб Талукдар.

Ассамда бір мүйізді мүйізтұмсықтардың әлемдегі ең көп популяциясы жиналған. 2018 жылғы санақ бойынша штатта шамамен 2650 мүйізтұмсық бар, олардың шамамен 2400-і Казиранга ұлттық паркінде шоғырланған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!