+7 (777) 001 44 99
Қазақша
Русский
English
Қазақша
Русский
English
Актер Алек Болдуин Нью-Мексикода түсірілім кезінде операторға оқ атты. Бұл туралы жергілікті БАҚ-қа сілтеме жасап РИА Новости хабарлады.
Оқиға Санта-Фе маңында, басты рөлде Алек Болдуин ойнайтын фильмді түсіру кезінде болған. Актерлер оқ атуы керек сәтте, қару бос емес, әскери оқтармен оқталғаны белгілі болған.
Фильм режиссері иық сүйегінен жарақат алған, қазір ауыр жағдайда жатыр. Ал 42 жастағы оператор Глина Хатчинс ауыр жарақат алып, Альбукерке ауруханасына жеткізілген. Бірақ дәрігерлер оның өмірін сақтап қала алмаған.
"Шериф кеңсесі қару-жарақтан оқ атқан Алек Болдуин екенін растайды", - делінген Санта-Фе округі шерифінің хабарламасында.
Санта-Фе округіндегі шериф кеңсесінің өкілі Хуан Риос Болдуинге әлі ешқандай айып тағылмағанын айтты.
Түсірілім алаңында қаза болған оператор Галина Хатчинс Украинада туып өскен.
Деректерге сүйенсек, әйел Киев университетінің халықаралық журналистика факультетін бітірген, содан кейін ол тергеуші журналист ретінде ұлыбританиялық кинорежиссерлермен жұмыс жасаған. Кейінгі жылдары Хатчинс Лос-Анджелесте тұрған.
Rest in peace, Halyna Hutchins. pic.twitter.com/XxaHIzrGva
— Screen Queens (@screenqueenz) October 22, 2021
Сілтемесіз жаңалық оқисыз ба? Онда Telegram желісінде парақшамызға тіркеліңіз!
