+7 (777) 001 44 99
ПОДЕЛИТЬСЯ
Ауғанстанда болған жарылыстан 40 адам зардап шегіп, 11 адам қаза тапты, - деп хабарлайды Ria.ru.
Ауғанстанда болған жарылыстан 40 адам зардап шегіп, 11 адам қаза тапты, - деп хабарлайды Ria.ru.
Ауғанстанның шығысындағы Кунар провинциясында орналасқан Асадабад қаласында жанкештінің ұйымдастырған жарылысы салдарынан зардап шеккендердің саны 40 адамға дейін жетті, ал қаза болғандар - 11 адам.
Жарылыс провинция губернаторының үйіне жақын маңда болды.
Айта кетейік, Ауғанстандағы ахуал соңғы бірнеше айда қиындай түсті. Бұрын елдің ауылдық аймақтарының айтарлықтай бөлігін иеленген "Талибан" діни қозғалысы ірі қалаларға шабуыл жасай бастады. Сонымен қатар, бұл елдің аумағында ДАИШ діни ұйымының ықпалы өсті.
"Талибан" мен ДАИШ бәсекелес ұйымдар болып есептеледі. Маусым айының ортасында БАҚ "Талибан" өкілдерінің ДАИШ-қа хат жолдағанын хабарлады, ол хатта Ауғанстандағы тәліптердің ісіне араласпау жөнінде жазылған. Ауғанстан жерінде бұған дейін де бұл ұйымдардың арасындағы қақтығыстар болған еді.
