+7 (777) 001 44 99
Қазақша
Русский
English
Ауғанстанда "Талибан" қозғалысының келіссөз жүргізушісі бітімге келу шартын айтты, - деп хабарлайды Tengrinews.kz тілшісі РИА Новостиге сілтеме жасап.
Жоғарғы соттың 2005 жылғы 15 наурыздағы шешіміне сәйкес Қазақстанда "Талибан" қозғалысына тыйым салынған.
Ауғанстан билігінің бітімгері Надер Надеридың мәлімдемесіне сүйенсек, жеті мың тұтқын босатылып, БҰҰ-ның қара тізімінен шығарылған жағдайда, тәліптер үш айға атысты тоқтатады.
Айта кетейік, бұған дейін Ресей президентінің Ауғанстан бойынша арнайы өкілі, СІМ-нің екінші Азия департаменті директоры Замир Кабулов БҰҰ Қауіпсіздік кеңесінің санкцияларынан тәліптерді алып тастау рәсімі ауғанаралық диалог кезінде басталуы мүмкін деп мәлімдеді.
Сондай-ақ, ол БҰҰ 2001 жылы қарар қабылдағанын еске салды: қозғалыс террористік ұйым деп танылған, 110-нан аса жоғары және орта буын өкілдері шектеуге ұшырады.
Айта кетейік, Ауғанстанда үкіметтік күштердің "Талибан" радикалды ұйымының содырларымен қақтығысы жүріп жатыр, олар ауылдық жерлердегі маңызды аумақтарды басып алып, ірі қалаларға шабуыл жасады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
