+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Аустралияның премьер-министрі Скотт Моррисон мемлекеттік қызметте ешқашан өтірік айтпағанын мәлімдеді, - деп хабарлайды Tengrinews.kz тілшісі Reuters сайтына сілтеме жасап.
Аустралияның премьер-министрі Скотт Моррисон мемлекеттік қызметте ешқашан өтірік айтпағанын мәлімдеді, - деп хабарлайды Tengrinews.kz тілшісі Reuters сайтына сілтеме жасап.
Аустралия премьер-министрінің мәлімдемесі Франция президенті Эммануэль Макронның Моррисон суасты қайықтарының құрылысы туралы келісімшартты бұзуға қатысты өтірік айтты деген сөзінен кейін жасалды.
Моррисонға қатысты сын осы аптада оның үкіметі электр көліктерін қолдауға 129,6 миллион доллар жұмсайтынын жариялаған кезде күшейе түсті.
"Тыңдаңыздар, мен саясатпен айналысамын. Жұрт үнемі жала жабады... Меніңше, өтірік айтқан кезім болған емес" - деп сендірді ол.
Аустралияның бұрынғы премьер-министрі Малкольм Тернбулл жақында француз басшысының сөзіне қосылып, Моррисонды "өтірікші" деп атады.
Оның мәлімдемесіне жауап ретінде желі қолданушылары Аустралия премьер-министрі шынымен өтірік айтпады ма деп ойлана бастады. Олардың пікірінше, 2007 жылы Моррисон Парламентке сайланғаннан кейін өтірік айтқан кездері болған.
Scott Morrison's biggest lie yet: that he's never told a lie in public life. Unbelievable ???#auspol pic.twitter.com/IZxXut1pWC
— Katy Gallagher (@SenKatyG) November 12, 2021
Fact check: Has Scott Morrison ever told a lie? Based on the fantastic reporting by @Paul_Karp pic.twitter.com/9TCX5Yk32W
— Matilda Boseley (@MatildaBoseley) November 12, 2021
Еске салайық, АҚШ, Ұлыбритания және Аустралия 15 қыркүйекте AUKUS деп аталатын жаңа қорғаныс одағының құрылғаны туралы хабарлады. Осы келісім аясында Вашингтон мен Лондон Канберраға ядролық суасты флотын құруға көмектесуге уәде берді. Нәтижесінде, Аустралия Франциямен 12 миллиард еуро тұратын қарапайым қозғалтқыштары бар 56 субмаринді жеткізуге қатысты келісімшартты бұзды.
Францияның сыртқы істер министрі Жан-Ив Ле Дриан бұл оқиғаны "артыңнан пышақ сұғу" деп атап, Франциямен сүңгуір қайықтар туралы келісімшартты бұзу арқылы Аустралия тек Париждің ғана емес, бүкіл Еуропаның сеніміне күмән келтірді деп мәлімдеді. Наразылық білдіру үшін Париж тарихта алғаш рет АҚШ пен Аустралиядан елшілерін шақыртты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
