+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Батыстың Украинадағы оқиғаларға реакциясы фонында азық-түлік бағасының өсуі әлемдегі ең кедей елдер халқын аштық көтерілістеріне итермелеуі мүмкін, - деп хабарлайды Tengrinews.kz тілшісі Verve times басылымына сілтеме жасап.
Батыстың Украинадағы оқиғаларға реакциясы фонында азық-түлік бағасының өсуі әлемдегі ең кедей елдер халқын аштық көтерілістеріне итермелеуі мүмкін, - деп хабарлайды Tengrinews.kz тілшісі Verve times басылымына сілтеме жасап.
Бұл туралы Дүниежүзілік сауда ұйымының (ДСҰ) бас директоры Нгози Оконджо-Ивеала мәлімдеді.
"Менің ойымша, бұл бізді толғандыруы керек. Биыл азық-түлік бағасында айтарлықтай өзгеріс болады. Азық-түлік пен энергия - әлемдегі кедей адамдар тұтынатын ең маңызды екі тауар", - деді ДСҰ басшысы The Guardian басылымына берген сұхбатында.
Оконджо-Ивеала бүкіл әлемдегі инфляция фонында 2000-жылдардың екінші жартысында болған аштық толқулары қайталану мүмкін екенін ескертті.
"Кедей елдер мен ондағы адамдар зардап шегеді. Егер соғыс зардаптарын қалай азайтуға болатынын ойламасақ, бұл тек биылға емес, келесі жылға созылатын тағы бір апатқа айналады. Біз ұйым мүшелерімен сөйлесіп, азық-түлікке экспорттық шектеулер қойып, дағдарысты ушықтырмауға шақырамыз", - деп қосты ұйым басшысы.
Сонымен қатар, Нгози Оконджо-Ивеала Ресейдің ДСҰ-дан шығуы екіталай екенін, өйткені бұл процесс өте күрделі және ұйымға мүше елдердің 75 пайызының мақұлдауын қажет ететінін айтты.
Бұған дейін азық-түліктің әлемдік бағасы соңғы 7 жылдағы ең жоғары деңгейге жеткені хабарланған болатын. Сарапшылар шикізат бағасы да тез көтерілгенін хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
