+7 (777) 001 44 99
Қазақша
Русский
English
Каталондық "Барселона" футбол клубының бас бапкері Рональд Куманның келісімшарт мерзімінен бұрын жұмыстан шыққан жағдайда алатын өтемақысының мөлшері белгілі болды, - деп хабарлайды Tengrinews.kz тілшісі.
Журналист Исаак Фуото өзінің Твиттердегі парақшасында егер Куман келісімшарт аяқталғанға дейін командадан кететін болса, клуб оған 5,8 миллион еуро төлеуі тиіс екенін айтты. Сонымен қатар, жаттықтырушының жылдық жалақысы 7,2 миллион еуро. Ол жалпы 13 миллион еуро көлеміндегі өтемақы ала алады.
🧶El límite salarial para fichar otro cuerpo técnico que le concede LaLiga es de unos 3M€, es decir un 4% de su límite 97M€, que ahora sólo sería un 3% porque se va prorrateando conforme avanza la temporada y como ya llevamos 3 meses (julio, agosto y septiembre) pues sería 3%
— Isaac Fouto (@isaacfouto) October 4, 2021
Куман "Барселонаның" жаттықтырушысы қызметін өткен жылдың тамызында бастады. Каталондық команда маусым соңында Испания чемпионатында үшінші орыннан жоғары көтерілмеді. Чемпиондар лигасында "көк гранат" 1/8 финалда франциялық "Пари Сен-Жерменге" есе жіберді.
Еске салайық, "Барселона" бас бапкерінің жұмыстан кетуі туралы хабарламалар мамырдың соңында шыққан. Содан кейін голландиялық маманның келісімшарты 2022 жылға дейін жасалғанына қарамастан, 99 пайыз ықтималдықпен жаңа маусымда команданы басқармайтыны туралы хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
