Байден АҚШ-қа кіре алатын босқындар санын төрт есе көбейтті

Фото ©REUTERS

АҚШ президенті Джо Байден босқындарды қабылдау шегін биылға 62,5 мыңға дейін көтерді, - деп хабарлайды Tengrinews.kz тілшісі Deutsche Welle басылымына сілтеме жасап.

АҚШ президенті Джо Байден босқындарды қабылдау шегін биылға 62,5 мыңға дейін көтерді, - деп хабарлайды Tengrinews.kz тілшісі Deutsche Welle басылымына сілтеме жасап.

"Бұған дейін бұрынғы Трамп әкімшілігі белгілеген ең төменгі шек, 15 мың адам, Американың босқындарды қолдайтын ұлт ретіндегі құндылықтарын көрсетпейді", - делінген Ақ үй басшысының Twitter-дегі мәлімдемесінде.

The U.S. Refugee Admissions Program embodies our commitment to protect the most vulnerable. It’s a statement about who we are, and who we want to be. That’s why today, I revised our annual cap from 15,000 — a historic low set by the previous administration — to 62,500.
— President Biden (@POTUS) May 3, 2021

Байден келесі жылы да АҚШ жаңартылған квотаны тағы екі есе арттырып, 125 мың босқынды қабылдай алады деп үміттеніп отыр.

"Біз соңғы төрт жылда келтірілген залалды жою үшін жылдам жұмыс істеп жатырмыз. Бұл біраз уақыт алады, бірақ жұмыс басталып кетті", - деді Байден.

Refugees, their families, and advocates can breathe a sigh of relief today, as @POTUS finally increased the refugee admissions goal from the historic low of 15,000 to 62,500. This increase is an important step in #RestoringWelcome for displaced people. https://t.co/CTOise40oW
— IRAP (@IRAP) May 3, 2021

Президент ел ондаған мың босқынды қабылдауға және қолдауға қажетті инфрақұрылымды қалпына келтіруге уақыт қажет екенін ескертті, сондықтан биыл бұл шекке жетпейтінін мойындады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

АҚШ соңғы жаңалықтар Қашу Босқындар