+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ президенті Джо Байден, Франция президенті Эммануэль Макрон және Германия канцлері Олаф Шольц үш жақты келіссөз нәтижесінде Ресейдің ДХР мен ЛХР-ды тануына қатысты жауап беретінін мәлімдеді, - деп хабарлайды Tengrinews.kz тілшісі Германия министрлер кабинетінің сайтына сілтеме жасап.
АҚШ президенті Джо Байден, Франция президенті Эммануэль Макрон және Германия канцлері Олаф Шольц үш жақты келіссөз нәтижесінде Ресейдің ДХР мен ЛХР-ды тануына қатысты жауап беретінін мәлімдеді, - деп хабарлайды Tengrinews.kz тілшісі Германия министрлер кабинетінің сайтына сілтеме жасап.
Бұл туралы федерал үкіметтің ресми өкілі Штеффен Хебештрайт мәлімдеді. Оның айтуынша, Германия, Франция және АҚШ басшылары Ресей президентінің шешімін айыптады.
"Канцлер Олаф Шольц АҚШ президенті Джо Байден және Франция президенті Эммануэль Макронмен Ресей президенті екі елді - Донецк пен Луганскіні ресми мойындағаннан кейін жағдайдың нашарлауы туралы сөйлесті. Үш сұхбаттаушы да Ресейдің бұл біржақты әрекеті анық Минск келісімдерін бұзу екеніне келісті", - делінген баспасөз хабарламасында.
Келіссөздер қорытындысы бойынша серіктестер елдің аумақтық тұтастығын сақтауға және шиеленістің алдын алуға бар күш-жігерін салуға келісті.
"Канцлер, АҚШ президенті және Франция президенті Украинамен ынтымақтастығын білдірді және президент Владимир Зеленский бастаған Украинаның осы уақытқа дейін жасаған сақтық әрекетін жоғары бағалады. Әріптестер Украинаның аумақтық тұтастығы мен егемендігіне қатысты міндеттемелерін әлсіретпеуге келісті", - делінген хабарламада.
Еуропалық Одақ Ресейдің ДХР мен ЛХР-ды мойындау шешіміне де реакция білдірді. Осылайша, Еуроодақтың сыртқы саясат және қауіпсіздік саясаты жөніндегі жоғарғы өкілі Жозеп Боррель Ресейге өзін-өзі жариялаған республикаларды тануына жауап беруге уәде берді.
"Екі аумақты тану халықаралық құқықты, Украинаның аумақтық тұтастығын, сондай-ақ Минск келісімдерін өрескел бұзу. ЕО және оның серіктестері бұған Украинамен ынтымақтастықтың белгісі ретінде бірлік, беріктік және шешімділікпен жауап береді", - деп жазды Боррелль Twitter-де.
The recognition of the two separatist territories in #Ukraine is a blatant violation of international law, the territorial integrity of Ukraine and the #Minsk agreements.
— Josep Borrell Fontelles (@JosepBorrellF) February 21, 2022
The EU and its partners will react with unity, firmness and with determination in solidarity with Ukraine.
Еске салайық, бір күн бұрын Ресей президенті Владимир Путин ДХР мен ЛХР-ды тану туралы жарлыққа қол қойып, Ресей әскеріне осы аумақтарда тыныштықты қамтамасыз етуді тапсырған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
