+7 (777) 001 44 99
Қазақша
Русский
English
АҚШ президенті Джо Байден Ресейге қарсы жаңа санкция қолдануды мақұлдайтынын айтты, - деп хабарлайды Tengrinews.kz тілшісі РИА Новостиге сілтеме жасап.
Вашингтон Мәскеудің доллар, фунт және йенмен бизнес жүргізу мүмкіндігін шектемек. Сондай-ақ, Байден штаттар ВТБ-мен қоса алғанда төрт ірі банкке тосқауыл қоятынын айтты.
"Бірігіп шамамен, 1 триллион долларды бақылайтын ресейлік банктерге санкция салып жатырмыз. Ресейлік банк активтерінің үштен бір бөлігінен астамына иелік ететін ең ірі ресейлік банкті америкалық қаржы жүйесінен ажыратамыз", - деді Байден.
Сондай-ақ, АҚШ пен одақтастары Ресейдің жоғары технология өнімдері импортын 50 пайызға шектемек, деді ол. Санкциялар Ресейдің ең ірі мемлекеттік компаниялары, ресейлік ғарыш бағдарламасы облигацияларына да әсер етеді.
Бұған дейін Ұлыбритания ВТБ мен "Аэрофлот" әуекомпаниясына қарсы санкция салған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
