+7 (777) 001 44 99
Қазақша
Русский
English
"Достар" сериалымен танымал болған америкалық және канадалық актер Мэтью Перри мектеп кезінде Канаданың қазіргі премьері Джастин Трюдоны спорттағы жетістіктері үшін қызғанып, ұрғаны туралы айтып берді, - деп хабарлайды РИА Новости.
Джимми Киммелдің ток-шоуында актер болашақ премьермен бастауыш мектепке бірге барғанын айтады. Ол кезде Трюдоның әкесі - Пьер Эллиот Трюдо Канада премьері болған.
"Менің досым Крис Мюррей, біздің Джастин Трюдоны ұрғанымызды есіме салды. Трюдо спортта біз жете алмаған жетістіктер көрсеткен. Бұл таза қызғаныш еді. Мен мұнымен мақтанып тұрғаным жоқ. Бұл дұрыс емес. Мен ақымақ болдым", - дейді Перри.
Бағдарлама жүргізушісі "кіші Трюдоның қорғаушылары болмады ма?" деген сұрақ қойды. Перри болмағанын және Трюдо сол төбелестер арқасында қазіргі жетістіктеріне жетіп отыр деп жауап берді.
