+7 (777) 001 44 99
Қазақша
Русский
English
Қазақша
Русский
English
Ұлыбритания мен Канада Бейжіңдегі қысқы Олимпиада ойындарына ресми өкілдерін жібермейді, - деп хабарлайды Tengrinews.kz тілшісі.
Ұлыбритания премьер-министрі Борис Джонсон Қытайдағы адам құқықтарының бұзылуына байланысты іс-шараға ешбір министр немесе басқа шенеунік қатыспайтынын айтты, Бейжің мұны үзілді-кесілді жоққа шығарады.
©REUTERS
Канада да сол күні Ұлыбританияның жолын қуып, Қытайдағы қысқы Олимпиада ойындарына дипломатиялық бойкот жариялады.
Canada remains deeply disturbed by reports of human rights violations in China. As a result, we won’t be sending diplomatic representatives to Beijing for the Olympic and Paralympic Winter Games. We’ll continue to support our athletes who work hard to compete on the world stage.
— Justin Trudeau (@JustinTrudeau) December 8, 2021
"Канада Қытайдағы адам құқықтарының бұзылуы туралы хабарларға қатты алаңдаулы. Біз Бейжіңдегі қысқы Олимпиада және Паралимпиада ойындарына дипломатиялық өкілдер жібермейміз", - деп жазды премьер-министр Джастин Трюдо Twitter-де.
Оның пікірінше, Канаданың немесе оның одақтастарының бұл қадамы Қытай үшін таңғаларлық жағдай емес.
Халықаралық Олимпиада комитетінің (ХОК) президенті Томас Бах саяси бойкоттардың көбеюіне қарамастан, комитет спортшылардың Олимпиадаға әлі де қатыса алатынына қуанышты екенін айтты.
2022 жылғы Бейжіңдегі қысқы Олимпиада 4-20 ақпан аралығында, ал қысқы Паралимпиада 4-13 наурыз аралығында өтеді. Жапония да дипломатиялық бойкот жариялау мүмкіндігін қарастырып жатыр.
Канада Бейжің Олимпиадасына бойкот жариялаған төртінші ел болды. Бұған дейін АҚШ, Австралия және Жаңа Зеландия да дипломаттарын ойындарға жібермеу туралы шешім қабылдаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
