+7 (777) 001 44 99
Қазақша
Русский
English
Бейжіңде қысқы Олимпиада ойындарының алау эстафетасы басталды, - деп хабарлайды Tengrinews.kz тілшісі Reuters агенттігіне сілтеме жасап.
Агенттік мәліметінше, Қытай вице-премьері Хань Чжэн "зонг" деп аталатын дәстүрлі ыдысқа қазаннан алауды жағып, оны Қытайдың қысқы спорт түрінен бірінші әлем чемпионы атанған 80 жастағы Луо Чжихуанға берді.
Салтанатты шара Қытай астанасының солтүстігіндегі Олимпиада саябағында өтті. Эстафета жергілікті уақыт бойынша сағат 09.16-да (Нұр-Сұлтан уақыты бойынша 07.16) басталды.
©REUTERS
Эстафетаға 1000-нан астам алаугер қатысады және ол үш күнге созылады. Үш күн ішінде алау Янцин мен Чжанцзякоуға, Ұлы Қытай қорғанына және Жазғы сарайға барады. 4 ақпанда кешке оны Олимпиада саябағында өтетін ойындардың ашылу салтанатына қайта жеткізеді.
©REUTERS
Қытайлық баскетболшы және олимпиадашы Яо Минг бағдар бойынша алауды бірінші болып алып жүреді. Ұйымдастырушылар COVID-19-ға байланысты эстафетаны үш күнге қысқарту туралы шешім қабылдағаны түсіндірілді. Эстафета Олимпиада алауын тапсыруға амфибия және су астындағы роботтардың да қатысуымен есте қалады.
Бейжіңде 2022 жылғы Қысқы Олимпиада ойындары 4-20 ақпан аралығында, ал қысқы Паралимпиада ойындары 4-13 наурыз аралығында өтеді.
The #Beijing2022WinterOlympic torch relay begins with a ceremony held in Beijing. Relay runners will carry the torch in Beijing, Yanqing & Zhangjiakou competition zones from Feb 2 to Feb4. Beijing #WinterOlympicGames will run from February 4 to 20.
— DD News (@DDNewslive) February 2, 2022
Reports @PBSC_Beijing pic.twitter.com/iFU6P9AbDE
Сілтемесіз жаңалық оқисыз ба? Онда Telegram желісінде парақшамызға тіркеліңіз!
