Билл Гейтс ресми сапармен Пәкістанға барды

Дина Шарипханова Корреспондент

393

Фото ©REUTERS

Microsoft компаниясының негізін қалаушы Билл Гейтс полиомиелитке қарсы күрес мәселесін талқылау үшін Пәкістанға ресми сапармен барды, - деп хабарлайды Tengrinews.kz тілшісі Reuters агенттігіне сілтеме жасап.

Microsoft компаниясының негізін қалаушы Билл Гейтс полиомиелитке қарсы күрес мәселесін талқылау үшін Пәкістанға ресми сапармен барды, - деп хабарлайды Tengrinews.kz тілшісі Reuters агенттігіне сілтеме жасап.

Ведомство мәліметінше, кәсіпкер Пәкістан премьер-министрі Имран Ханмен кездесіп, алдағы жылдары инфекция жойылуы мүмкін екенін айтты.

"Әлі біткен жоқпыз, бірақ бұрынғыдан жақсырақ жағдайға жеттік", - деді Гейтс.

Thank you @ImranKhanPTI for the productive discussions on the steps being taken in Pakistan to eliminate polio. I’m encouraged by the country’s commitment to eradication and am optimistic that if everyone remains vigilant, we can #endpolio. pic.twitter.com/cMAw3ZfDxr
— Bill Gates (@BillGates) February 17, 2022

Пәкістан көрші Ауғанстанмен полиомиелит ауруы жалғасып жатқан екі елдің бірі екені айтылды.

Гейтс пен Пәкістан премьер-министрінің денсаулық сақтау жөніндегі арнайы көмекшісі Фейсал Сұлтан екі көрші елдің полиомиелит ауруын жою әрекеттері бір-бірімен байланысты екенін айтты. Олардың пікірінше, алдағы бірнеше жылда ауруды жоюға нақты мүмкіндік бар.

"Менің ойымша, Пәкістанда 2022 жылы қабылданған қадамдар полиомиелиттің жойылуын аяқтауға мүмкіндік береді. Дегенмен, Ауғанстанға қатысты нақты сенімділік жоқ: ондағы жағдай күрделірек", - деді Гейтс.

Сұлтанның айтуынша, Пәкістан Талибан (Қазақстанда тыйым салынған қозғалыс) әкімшілігінің денсаулық сақтау органдарымен ынтымақтасады.

"Біз сәйкестікті қамтамасыз ету үшін тұрақты келіссөздер жүргізіп жатырмыз, өйткені екі ел бір-бірімен жақын және тығыз байланысты", - деді ол.

Гейтс қорының мәліметі бойынша, Пәкістанда бір жылдан астам уақыт бойы бірде-бір бала жабайы полиомиелиттен сал ауруына ұшырамаған. Бірақ вирус желтоқсанда Хайбер-Пахтунхва провинциясындағы ағынды сулардың үлгілерінен анықталған.

Сонымен қатар, 2021 жылы Ауғанстанда жабайы полиомиелиттің төрт, ал биыл бір жағдайы тіркелген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!