+7 (777) 001 44 99
Қазақша
Русский
English
Қазақша
Русский
English
Германия және Франция блогерлеріне Pfizer/BioNTech вакцинасы туралы жалған ақпарат таратқаны үшін ақы төлеу ұсынылған, - деп хабарлайды Daily Mail.
Басылым мәліметі бойынша, әлеуметтік желілерде миллиондаған оқырманы бар француз және неміс блогерлеріне PR агенттік Pfizer/BioNTech вакцинасынан кейін жүздеген науқас қайтыс болғаны туралы ақпарат таратуды ұсынған.
Сонымен қатыр, агенттік өкілдері ғылым мен денсаулық саласына маманданған бірнеше блогерлермен байланысып, "Pfizer вакцинасын алған адамдардың өлім-жітімі AstraZeneca вакцинасы егілген адамдарға қарағанда үш есе жоғары" екенін айтуды сұраған.
Блогерлерден le Monde басылымы сайтына сілтеме жасау сұралған. Сондай-ақ, Reddit және Ethical Hacker порталдарына вакцинациядан кейінгі өлім туралы мәліметтерді растайтын ақпарат беруді сұрағаны айтылады.
Осылайша танымал француз блогері Лео Грасс Twitter-де Fazze электрон поштасынан келген хаттардың скриншотын жариялады. Ол тапсырыс берген компания қомақты қаржы ұсынғанын және атын атаудан бас тартқанын айтты.
C'est étrange.
— Léo Grasset (@dirtybiology) May 24, 2021
J'ai reçu une proposition de partenariat qui consiste à déglinguer le vaccin Pfizer en vidéo. Budget colossal, client qui veut rester incognito et il faut cacher la sponso.
Éthique/20. Si vous voyez des vidéos là dessus vous saurez que c'est une opé, du coup. pic.twitter.com/sl3ur9QuSu
Неміс блогері Мирко Дрочман да осындай ұсыныс көрсетілген хабарлама көшірмесін жариялады.
Sehr interessant: Eine Agentur meldet sich und fragt, ob ich Teil einer „Informationskampagne“ sein will. Es geht darum, einen Link zu angeblich geleakten Dokumenten zu Todesfällen bei Corona-Impfungen zu teilen. Gegen Geld. Sitz der Agentur: London. Wohnort des CEO: Moskau. pic.twitter.com/5x0Wqx79oZ
— Mirko Drotschmann (@MrWissen2Go) May 18, 2021
"Мен бұл бастама қайдан шыққанын білмеймін - Франциядан немесе шетелден. Бірақ бұл қауіпті және жауапсыздық", - деді Франция денсаулық сақтау министрі Оливье Веран.
LinkedIn әлеуметтік желісіндегі деректерге сілтеме жасай отырып, шетелдік БАҚ Fazze агенттігінің басшылығы Мәскеуден шыққан және ол ресейлік кәсіпкер Владимир Башкин негізін қалаған Adnow International холдингі құрамына кіреді деп жазады.
Өз кезегінде француз бұқаралық ақпарат құралдары Fazze-дің мақсаты мен Twitter әлеуметтік желісінде жарияланған "Спутник V" вакцинасы туралы мәліметтің ұқсастығына назар аударған. Онда "Спутник V" және AstraZeneca сияқты векторлық вакциналар мРНҚ вакциналарына қарағанда "қауіпсіз және тиімді" екені жазылған.
Fazze Лондондағы 5 Percy Street мекенжайы ретінде көрсеткенімен ол жерде тіркелмеген. 25 мамырда агенттік өз сайтын жауып, Instagram әлеуметтік желісіндегі аккаунтын жеке парақшаға ауыстырған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
