+7 (777) 001 44 99
Қазақша
Русский
English
Болгарияда автобус апатқа ұшырап 45 адам, оның ішінде 12 бала қаза тапты, - деп хабарлайды Tengrinews.kz тілшісі РИА Новостиге сілтеме жасап.
Оқиға жергілікті уақыт бойынша сағат 03.00 шамасында (Нұр-Сұлтан уақыты бойынша 07.00) София-Благоевград тасжолының 31-шақырымында болды. Жол апаты салдарынан 52 адам отырған автобус өртеніп кеткен.
Қаза тапқандар арасында автобус жүргізушісі де бар. Жеті адам, оның ішінде екі әйел мен бес ер адам аман қалды.
Жергілікті өрт сөндіру бөлімі бастығының айтуынша, өрт келеңсіз оқиға салдарынан болған. Аман қалғандардың барлығы ауыр халде ауруханаға жеткізілді.
Еске салайық, тамыз айында Нигерияда автобустың соқтығысуы салдарынан 20-дан астам адам қаза тапқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
