+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ-та федералдық прокурорлар Бостон марафонының мәресінде болған лаңкестіктің тергеу жұмыстарына кедергі келтірді деп айыпталған Диас Қадырбаевты жеті жылға соттауды сұрап отыр, - деп хабарлайды Lenta.ru Reuters басылымына сілтеме жасап. Айта кетейік, Қазақстан азаматы Диас Қадырбаев - лаңкестікті ұйымдастырушы Царнаетың үш досының бірі.
АҚШ-та федералдық прокурорлар Бостон марафонының мәресінде болған лаңкестіктің тергеу жұмыстарына кедергі келтірді деп айыпталған Диас Қадырбаевты жеті жылға соттауды сұрап отыр, - деп хабарлайды Lenta.ru Reuters басылымына сілтеме жасап. Айта кетейік, Қазақстан азаматы Диас Қадырбаев - лаңкестікті ұйымдастырушы Царнаетың үш досының бірі.
Прокурорлардың айтуынша, Қадырбаевтың Царнаетың лаңкестікке қатысы бар екенін білгені оның ресейлік әлеуметтік желілерде жазған хабарламаларынан кейін белгілі болған. Ол "Менің ең жақын досымның қолынан келді", "Олар көлікті айдап әкетті, полицейді өлтірді", - деп жазған.
"Алайда оның Царнаевтың марафонда жарылыс жасау туралы жоспарын білгені немесе сол лаңкестік әрекетте қандай да бір рөл атқарғаны туралы еш дәлел жоқ. Дегенмен ол тергеу жұмыстарына кедергі келтірді деп айыпталды. Қадырбаевтың 25 жылға дейін сотталуы мүмкін еді, алайда ол өз кінәсін мойындағандықтан прокурорлар оның жазасын жеңілдетуді ұйғарды", - делінген жарияланымда.
Еске салайық, қазақстандық студенттер Диас Қадырбаев пен Азамат Тәжаяқов қазір Бостанда. Олар 2013 жылы мамыр айында Бостанда болған жарылысқа қатысты істі тергеуге қасақана кедергі келтірді деген айып тағылған болатын. Бұл іске сондай-ақ, америкалық 19 жастағы Робель Филипстің де қатысы бар. Ол жалған ақпарат берді деп айыпталып отыр. Ал Джохар Царнаевтың өзін биыл 15 мамырда АҚШ алқа соты 2013 жылы сәуір айында Бостондағы марафон кезінде лаңкестік жасағаны үшін өлім жазасына кесті, үкім Бостон сотында оқылды.
