Бразилия президенті Жаир Болсонару іш ауруына байланысты шұғыл ауруханаға жатқызылды, - деп хабарлайды Tengrinews.kz тілшісі Reuters агенттігіне сілтеме жасап.
Жаир Болсонару іші қатты ауырғандықтан жедел тексеруден өту үшін ел астанасындағы әскери госпитальға жеткізілді.
"Оның жағдайы жақсы", - деді Бразилия президенті үкіметінің коммуникациялар министрі Фабио Фариа. Ол Болсонарудың "іштегі жайсыздықты" сезінгеннен кейін тексеру үшін ауруханаға жеткізілгенін растады.
Ол ауруханада түні бойы бақылауда болады. Әзірге дәрігерлер мемлекет басшысының жағдайына қатысты пікір білдірген жоқ. Бірінші ханым Мишель Болсонару күйеуінің жағдайы жақсы екенін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
