Бішкекте қазақстандық қылмыстық топ мүшесі ұсталды

Алғабек Хамитұлы Корреспондент

Фото Қырғызстан Ұлттық қауіпсіздік мемлекеттік комитетінің баспасөз қызметі

Қырғызстанның астанасы Бішкекте мемлекетаралық іздеуде жүрген қазақстандық ұйымдасқан қылмыстық топ мүшесі ұсталды, - деп хабарлайды Tengrinews.kz тілшісі kaktus.media сайтына сілтеме жасап.

Қырғызстанның астанасы Бішкекте мемлекетаралық іздеуде жүрген қазақстандық ұйымдасқан қылмыстық топ мүшесі ұсталды, - деп хабарлайды Tengrinews.kz тілшісі kaktus.media сайтына сілтеме жасап.

Күдікті 1988 жылы туған О.И. есімді ер адам. Маңғыстау облысы, Ақтау қаласының тумасы. Ол рейдерлік жолмен басып алып, кәсіпкерлерден аса ірі көлемде ақша бопсалады деген күдікке ілінді. Полиция департаментінің мәліметінше, қазір ол Қырғыз Республикасының Мемлекеттік ұлттық қауіпсіздік комитетінің тергеу изоляторына қамалды.

Қазақстандық бұқаралық ақпарат құралдарының мәліметінше, ұйымдасқан қылмыстық топ мүшелері 2019 жылы кен орындарының біріндегі ұңғымадан мұнай ұрлауды ұйымдастырған. Қылмыстық іс қозғалып, одан кейін қылмыстық топ мүшесі О.И. есімді ер адамға мемлекетаралық іздеу жарияланды.

Сондай-ақ іздеуде жүрген ер адам тергеушілерден жасырыну мақсатында 760 мың доллар бопсалаған деген күдікке ілінді. Көрші мемлекетке қашып кеткен деген күдікті болжам бойынша, ол Қырғызстан шекарасын заңсыз кесіп өткен.

Сонымен қатар, О.И. есімді ер адамның Қырғызстан азаматтығын алуының заңдылығы тексеріледі. Полиция қызметкерлерінің арасынан меценаттардың бар-жоғы анықталып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

қылмыстық топ қылмыс бопсалау Қырғызстан