+7 (777) 001 44 99
ПОДЕЛИТЬСЯ
БҰҰ бас хатшысы Антониу Гутерреш COVID-19 адамзат үшін соңғы пандемия емес екенін айтты, - деп хабарлайды Tengrinews.kz тілшісі РИА Новостиге сілтеме жасап.
БҰҰ бас хатшысы Антониу Гутерреш COVID-19 адамзат үшін соңғы пандемия емес екенін айтты, - деп хабарлайды Tengrinews.kz тілшісі РИА Новостиге сілтеме жасап.
Жыл сайын әлемде 27 желтоқсан Халықаралық эпидемияға қарсы дайындық күні ретінде атап өтіледі. Оны БҰҰ Бас Ассамблеясы 2020 жылдың қарашасында жариялады.
"COVID-19 адамзат үшін соңғы пандемия емес. Біз осы денсаулық дағдарысымен күресіп жатқанда, келесі жағдайға дайындалуымыз керек. Халықаралық эпидемияға қарсы дайындық күнінде осы мәселеге назар аударайық және ол үшін қажет инвестицияларды бөлейік", - деп жазды Гутерреш Twitter-де.
Пандемия - бұл бүкіл елге, бірнеше көрші елдер мен континенттерге әсер ететін ауқымды індет.
ДДСҰ 2020 жылдың 11 наурызында жаңа коронавирус инфекцияның (COVID-19) өршуін пандемия деп жариялады.
Джонс Хопкинс университетінің (АҚШ) мәліметі бойынша 2021 жылдың 26 желтоқсанындағы жағдай бойынша әлемде COVID-19 инфекциясының 279 миллионнан астам жағдайы тіркеліп, 5,3 миллионнан астам адам қайтыс болды. Ең қиын жағдай АҚШ, Үндістан, Бразилия және Ұлыбританияда болды.
Аурудың өршуіне жауап ретінде ДДСҰ жаңа коронавируспен күресу үшін диагностиканы, вакциналарды және дәрі-дәрмектерді әзірлеуді жеделдетуге бағытталған ғылыми-зерттеу және әзірлеу (ҒЗТКЖ) бағдарламасын жандандырды.
Қазіргі уақытта әлемде 168 кандидаттық вакцина клиникалық сынақтан өтуде, оның ішінде 40 кандидаттық вакцина сынақтардың бірінші кезеңінде, 58-і екінші, 62-сі үшінші кезеңде.
Дүниежүзілік денсаулық сақтау ұйымы мақұлдаған немесе әлі де сараптамадан өтіп жатқан вакциналар тізіміне Ресей, Қытай, АҚШ, Ұлыбритания, Үндістан, Оңтүстік Корея және Кубадан келген 24 дәрі кіреді. 2021 жылдың 17 желтоқсанындағы жағдай бойынша ДДСҰ төтенше жағдайда қолдануға арналған тоғыз COVID-19 вакцинасын тіркеді.
Джонс Хопкинс университетінің мәліметі бойынша, 2021 жылдың 26 желтоқсанындағы жағдай бойынша әлемде енгізілген вакцина дозаларының жалпы саны 8,9 миллиардтан асады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
