БҰҰ жеті қызметкері коронавирустан қайтыс болды

Біріккен Ұлттар ұйымының жеті қызметкері COVID-19-дан қайтыс болды, - деп хабарлайды Tengrinews.kz тілшісі БҰҰ сайтына сілтеме жасап.

Бұл туралы видеоконференция барысында БҰҰ бас хатшысының өкілі Стефан Дюжаррик айтты.

"Бізге БҰҰ жүйесінде 520 қызметкердің коронавирус жұқтырғанын хабарлады. АҚШ-та 147 жағдай тіркелді, оның 78-і Нью-Йоркте. Өлім көрсеткішіне келетін болсақ, өкінішке қарай, олардың саны 7-ге жетті", - деді БҰҰ бас хатшылығының өкілі.

Джонс Хопкинс университетінің мәліметінше, әлемде коронавирус жұқтырғандардың саны 4,8 миллионға таяды. Олардың 70 пайызы АҚШ, Ресей, Бразилия, Ұлыбритания, Испания, Франция, Германия, Түркия және Иранда тіркелген екен.

Қазақстан жаңалықтары. Соңғы жаңалықтар. Telegram желісінде бізге жазыл!