+7 (777) 001 44 99
Қазақша
Русский
English
Қазақша
Русский
English
Сейсенбі, 25 наурызда Прагадан шығысқа қарай 135 шақырым жердегі Поличка қаласы маңында орналасқан металл өңдеу және оқ-дәрі шығаратын зауыт қоймасында жарылыс болды, - деп хабарлайды Tengrinews.kz тілшісі DW дерегіне сүйеніп.
Жарылыс салдарынан кемінде бір адам ауыр жарақат алып, тікұшақпен ауруханаға жеткізілгені туралы құтқару қызметтері хабарлады.
"Полиция оқиға орнын қоршауға алып, көшелерді жауып тастады, зауыт қызметкерлерінің барлығы эвакуацияланды", – делінген хабарламада.
Компания өкілі алдын ала мәліметтерге сүйене отырып, жарылыстың ең ықтимал себебі өндіріс процесіндегі техникалық қателік екенін айтты.
БАҚ мәліметтері бойынша, жарылыс STV Invest холдингінің қоймасында болған, онда тротил (тринитротолуол, ТНТ) сақталған. Поличка маңындағы бұл зауытта, сонымен қатар, артиллериялық оқ-дәрілер шығарылады.
Бұдан бөлек, компания ескі жаяу әскерге арналған ұрыс машиналарын, танктерді жөндеумен және жаңғыртумен айналысады, ал азаматтық секторда автобустарға арналған есік жүйелерін өндіруге маманданған.
БАҚ бұл жарылыстың қандай да бір саяси астары бары туралы ақпараттың әзірге жоқ екенін атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
