+7 (777) 001 44 99
Қазақша
Русский
English
Данияда 1 ақпаннан бастап COVID-19-ға қарсы шектеулер алып тасталды, - деп хабарлайды Tengrinews.kz тілшісі The Herald-қа сілтеме жасап.
Ел билігі вакцина алғандар артқанына сүйеніп, жағдай әлі шиеленісіп тұрғанына қарамастан, COVID-19-ға қарсы шектеулерді алып тастады.
Басылым мәліметінше, Данияда күн сайын 40-50 мыңға жуық жаңа жағдай тіркеледі, бұл елдің 5,8 миллион тұрғынының бір пайызы болады.
"Бізде вакцинаның үш дозасын алған ересектер өте көп", - деді Роскильде университетінің эпидемиологы Лоне Симонсен.
Енді Данияда бетперде мен COVID паспорты міндетті болмайды, барлар мен мейрамханалардың жұмыс уақыты шектелмейді. Сондай-ақ, түнгі клубтар қайтадан ашылады, жабық бөлмелердегі адам санына шектеу алып тасталады. Осылайша, Дания Еуропа Одағында COVID шектеулерін алып тастаған алғашқы елі болды.
Шенген аймағына кірмейтін елдерден келген, вакцина алмаған саяхатшылар үшін ел шекараларында кейбір шектеулер сақталады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
