+7 (777) 001 44 99
Қазақша
Русский
English
Дүниежүзілік денсаулық сақтау ұйымы (ДДСҰ) коронавирустың жаңа омикрон штамы басқа штамдарға қарағанда тез таралатынын ресми түрде мәлімдеді, - деп хабарлайды Tengrinews.kz тілшісі Reuters агенттігіне сілтеме жасап.
Дүниежүзілік денсаулық сақтау ұйымының бас директоры Тедрос Адханом Гебрейесус омикрон вакцинацияланған адамдарға да жұғатынын айтты.
"Қазір омикронның дельтаға қарағанда әлдеқайда жылдам тарайтыны туралы нақты дәлелдер бар және бұл штамды вакцинацияланған немесе сауығып кеткен адамдар да қайта жұқтыруы мүмкін", - деді Гебрейесус.
©REUTERS
Брифингте сөйлеген ДДСҰ басшысы, адамдарды алдағы мерекелерде адам көп жерлерге бармауға, алға қойған кейбір жоспарларынан бас тартуға шақырды.
"Бәріміз осы пандемиядан шаршадық. Барлығымыз достарымызбен және отбасымызбен уақыт өткізіп, қалыпты өмірге тезірек оралғымыз келеді. Ал қалыпты өмірге оралудың жалғыз жолы әлеуметтік қашықтықты сақтау, адам көп жиналатын жерлерге бармау, вакцина салдыру", - деді ол.
Дүниежүзілік денсаулық сақтау ұйымы бас директорының айтуынша, келесі жылдың ортасына дейін әлемнің әрбір еліндегі халықтың 70 пайызын вакцинациялау арқылы 2022 жылы пандемияны тоқтатуға болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
