+7 (777) 001 44 99
Қазақша
Русский
English
Қазақша
Русский
English
Дүниежүзілік денсаулық сақтау ұйымы (ДДСҰ) әлемде коронавирус жұқтырғандардың саны 5 пайызға азайғанын мәлімдеді, - деп хабарлайды Tengrinews.kz тілшісі ұйымның сайтына сілтеме жасап.
Хабарламаға сәйкес, өткен аптамен салыстырғанда қайтыс болғандар саны 10 пайызға азайған.
"Соңғы аптада жаңа инфекция жұқтырғандар мен өлім-жітім саны алдыңғы аптамен салыстырғанда 5 және 10 пайызға төмендеді", - делінген хабарламада.
Құжатта келтірілген статистикалық мәліметтерге сәйкес, 6-12 желтоқсан аралығында 4 000 817 ауру жұқтырғандар анықталып, 46 961 адам қайтыс болған. Тіркелген инфекциялардың 65 пайызы және өлімнің 60 пайызы Еуропаның үлесіне тиеді. Жаңа жағдайлардың ең көп саны АҚШ-та (674 019) тіркелді. Екінші орында Германия (351 738), одан кейін Ұлыбритания (350 340) және Франция (335 972) тұр.
Африка аймағында өткен аптада жаңа жағдайлардың ең көп өсуі байқалды, одан кейін 7 пайызға өскен Батыс Тынық мұхиты аймағы. Америка мен Оңтүстік-Шығыс Азия аймағы 10 пайызға төмендесе, Еуропалық аймақ 7 пайызға төмендеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
