+7 (777) 001 44 99
Қазақша
Русский
English
Қазақша
Русский
English
Дүниежүзілік денсаулық сақтау ұйымы (ДДСҰ) коронавирусқа қарсы вакцинаның үшінші дозасын алуға ұсынылатын адамдардың екі тобын анықтады, - деп хабарлайды Tengrinews.kz тілшісі Reuters агенттігіне сілтеме жасап.
Дүниежүзілік денсаулық сақтау ұйымының стратегиялық консультативтік сарапшылар тобы (SAGE) инактивтендірілген вакцина алған иммунитеті төмен адамдарға күшейткіш дозаны алуды ұсынады. Ұйым CoronaVac, Sinopharm және Bharat вакциналары осы топқа жататынын айтты.
Жоғарыда айтылғандай, көп елде қазірдің өзінде егде жастағы адамдар мен қауіп тобындағы адамдар үшін үшінші дозаны алып жатыр, бірақ "омикрон" штамына байланысты алаңдаушылық оларды үдеткіш вакцинация бағдарламасын кеңейтуге итермелейді.
SAGE төрағасы Алехандро Кравиото вакцина кем дегенде алты ай бойы сенімді қорғаныс деңгейін қамтамасыз ететінін айтты, дегенмен деректер коронавирусқа қарсы вакциналардың тиімділігі уақыт өте егде жастағы адамдарда күрт төмендейтінін көрсетеді.
"Қазіргі уақытта үшінші дозаны егде жастағы, созылмалы ауруы бар немесе белсенді емес вакцина алған адамдарға салып жатырмыз", - деп түсіндірді сарапшылар тобының өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
