+7 (777) 001 44 99
Қазақша
Русский
English
Дүниежүзілік денсаулық сақтау ұйымы (ДДҰ) бірқатар басқа мекемемен бірлесіп, барлық мемлекетке жұқпалы аурулардың таралу қаупін азайту үшін жабайы табиғат саудасын шұғыл түрде тоқтата тұруды және дәстүрлі азық-түлік базарларында гигиена мен санитария талаптарын сақтауды ұсынды, - деп хабарлайды Новости ООН.
"ДДҰ, Дүниежүзілік жануарлардың денсаулығын сақтау ұйымы және БҰҰ-ның Қоршаған ортаны қорғау бағдарламасы ұлттық құзыретті органдарды азық-түлік мақсаттары немесе өсіру үшін жабайы сүтқоректілердің саудасын тоқтата тұруға және жабайы жануарлар сатылатын азық-түлік базарларындағы бөлімді жабуға шақырады", - делінген ДДҰ баспасөз хабарламасында.
Үш мекеменің сарапшылары нұсқауда жабайы аңдар ашық базарларда торда немесе қоршауда ұсталатынын айтады. Сол жерде сойып, бөлшектейтіндер де бар. Нәтижесінде азық-түлік базарлары биологиялық сұйықтық және басқа қалдықтармен ластанады. Бұл жұмысшылар мен келушілерге ауру тарату қаупін арттырады.
БҰҰ сарапшылары жануарларды әдеттегі тіршілік ету ортасынан әкеліп, базарларда сату олардан жұғатын аурулардың көбеюіне әкелетінін бірнеше рет ескерткен.
Жабайы аңдар бірқатар аурудың, соның ішінде COVID-19-дың шығу тегі болуы мүмкін. Сарапшылар COVID-19 індеті жануарлар ортасынан адамға жұққан инфекция болуы мүмкін екенін жоққа шығармайды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
