Демалысын Бодрумда өткізіп жатқан қазақстандықтар жағажайда қонуға мәжбүр болды

21 Шілде 2017, 11:54
0
Демалысын Бодрумда өткізіп жатқан қазақстандықтар жағажайда қонуға мәжбүр болды - © Зарина Әбденова
© Зарина Әбденова

Қазақстандық туристер Түркия жағалауында тоқтаусыз болған жер сілкінісіне байланысты жағажайда қонуға мәжбүр болды. Бодрум қаласындағы демалушылар осы түнді қалай өткізгенін Tengrinews.kz тілшісіне айтып берді. 

"Біз кеше түсте келіп қоныстандық. Түні бойы жер сілкінісі болды, қатарынан алты жеті рет қайталанды. Түріктер мен европалықтар байбаламға салынды, ал бізбен бірге барған алматылықтар өздерін еркін ұстады, жер сілкінісіне үйреніп қалған болуы керек. Негізінде Түркияда 3-4 жыл сайын жер сілкінісі болып тұрады екен. Түнді жағажайда өткізуге тура келді: ұйықтадық, қонақ үй әкімшілігі жарады, бізге жылы көрпешелер беріп, шәй берді. Барлығы жағажайдағы шезлонгтарда ұйықтады", - деді Бодрумда демалып жатқан алматылық қыз Зарина Әбденова.


© Зарина Әбденова

Оның айтуынша, ғимараттар құлаған жоқ. Қонақ үйдің сылағы түсіп қалған, алайда қатты бүлінбеген. 

Еске салайық, Түркияның оңтүстік батысында кем дегенде сегіз жерасты дүмпуі тіркелді. Еуропалық жерорта теңізі сейсмологиялық орталық (EMSC) өкілдерінің мәліметінше, жер сілкінісінің магнитудасы 6,7 баллға жеткен. Бодрум қаласының 70-тен аса тұрғыны медициналық көмекке жүгінген. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай