+7 (777) 001 44 99
Қазақша
Русский
English
Доминикан Республикасында Orenair әуе компаниясының Мәскеуге қарай бағыт алған ресейлік ұшағының апат жағдайында қону кезінде шассиі өртенді, - деп хабарлайды РИА Новости.
Бортта ақаулар ұшқаннан кейін бірнеше минут өткенде шыққан. Алдын ала мәліметтер бойынша, Orenair әуе компаниясының Boeing 777-200 ұшағының бортында экипаждың 20 мүшесі мен 351 жолаушы болған. Ешкім зардап шекпеді. Жолаушылар үрмелі трап арқылы эвакуацияланды. Болжам бойынша, ұшақтың қозғалтқышы істен шыққан.
Ұшақ жолаушылары Пунта-Кана қаласындағы қонақүйге орналасты. "Жолаушылар әзірше жүктерін ала алмады, бұл мақсатта белгілі бір әрекеттер керек, өздері болса Believe қонақүйінде орналасып жатыр, ешкім зардап шекпеді", - деп хабарлады Венесуэладағы және Доминикан еліндегі ресейлік елші Владимир Заемский.
