+7 (777) 001 44 99
Қазақша
Русский
English
АҚШ-тың 45-ші президенті Дональд Трамп әйелі Мелания Трамппен сайланған президент Джо Байденнің ұлықтау рәсімінің алдында Ақ үйден кетті, - деп хабарлайды Tengrinews.kz тілшісі.
Америкалық телеарналар шара кезінде трансляция жасады.
© Reuters
РИА Новости мәліметінше, Дональ Трамп пен әйелі Ақ үйдің алдында тұрған ұшаққа отырып, кетіп қалған.
Трамп Эндрюс әуебазасына бара жатыр, артынша ол әйелімен Флорида штатындағы Палм-Бичке барады. Бұған дейін БАҚ-та Трамп сол жерде қалатыны айтылған.
Флоридада Трамптың Мар-а-Лаго резиденциясы орналасқан. Трамп президент кезінде демалыс және мереке күндері уақытын сол жерде өткізіп, дүние жүзінің басшыларын қабылдаған.
Ал жаңа президентті ұлықтау рәсімі астана уақыты бойынша сағат 19.45-ке жоспарланған. Ресми шараның кестесін мына жерден көруге болады.
Байденді ұлықтау рәсімін қайда және қашан көруге болады?
Еске салайық, 3 қарашада басталған сайлаудың қорытындысы бойынша, демократ Джо Байден жеңіске жеткен болатын. Байден сайлауға қажетті 270 сайлаушының дауысын жинаған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
