+7 (777) 001 44 99
Қазақша
Русский
English
28 ақпан 2022 | 09:19
Дуров Ресей мен Украинадағы Telegram-арналардың жұмысын шектеу туралы ойын айтты
Telegram желісінің негізін қалаушы Павел Дуров жалған ақпарат тарауына байланысты Ресей мен Украина аумағында мессенджер жұмысын шектеу туралы ойын айтты, - деп хабарлайды Tengrinews.kz тілшісі.
ПОДЕЛИТЬСЯ
Telegram желісінің негізін қалаушы Павел Дуров жалған ақпарат тарауына байланысты Ресей мен Украина аумағында мессенджер жұмысын шектеу туралы ойын айтты, - деп хабарлайды Tengrinews.kz тілшісі.
Павел Дуров Telegram арнасында мессенджер Украинадағы оқиғаларға қатысты тексерілмеген ақпараттың қайнар көзіне айналып жатқанын жазды.
"Бізде арналардың барлық жазбасын тексеруге физикалық жағынан мүмкіндік жоқ. Ресей мен Украинадағы қолданушыларды қазір Telegram-да таралатын кез келген деректерге күмәнмен қарауға шақырамын", - деді платформаның негізін қалаушы.
Дуров Telegram желісі қақтығысты күшейтетін және ұлтаралық алауыздықты тудыратын құрал ретінде пайдаланылғанын қаламайтынын атап өтті.
"Жағдай ушықса, қақтығыс кезінде қатысушы елдердегі Telegram арналардың жұмысын ішінара немесе толық шектеу туралы мәселені қарастырамыз", - деді ол.
Жазба пайда болғанына бірнеше сағат өткен соң Дуров Ресей мен Украина аумағындағы арналардың жұмысына шектеу қойылмайтынын мәлімдеді.
"Қолданушылар қақтығыс кезеңінде Telegram арналарды өшірмеуін сұрады, өйткені біз олар үшін жалғыз ақпарат көзіміз. Осы өтініштерге байланысты мұндай шараларды қарастырмауға шешім шығардық. Алайда осы қиын кезеңде Telegram арналарда жарияланған деректерді қайта тексеруді және сеніп қалмауды тағы бір рет сұраймын", - деп жазды Telegram негізін қалаушы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
