+7 (777) 001 44 99
Қазақша
Русский
English
Қазақша
Русский
English
Ресейдің Денсаулық сақтау министрлігі жанындағы әйелдердің репродуктивті денсаулығы бойынша штаттан тыс бас маманы Наталья Долгушина екпе салдыру үшін жүктіліктің ынғайлы кезеңін атады, - деп хабарлайды Tengrinews.kz тілшісі РИА Новостиге сілтеме жасап.
Маманның айтуынша, Ресейде қазіргі уақытта "Спутник V" вакцинасын жүктілік кезінде қолдануға рұқсат берілген. "Екпені 22 аптадан кейін салдырса болады", - деді Долгушина.
Оның айтуынша, COVID-19 жүкті әйелдер үшін қауіпті ауру, бұл акушерлік асқынулар мен ана өлімінің жоғарылауына әкеледі. Жүктілік кезінде коронавирус семіздік, жүрек-тамыр аурулары, өкпенің созылмалы аурулары, қант диабеті, қатерлі ісік, бауыр мен бүйректің созылмалы аурулары бар әйелдерде аса қауіпті.
Коронавирустың ауыр түрі мен өлімінің алдын алу үшін вакцина салдыру қажет, деді маман.
Оның айтуынша, жүктілікті жоспарлау кезеңінде алдын ала вакцина алған дұрыс, алайда ол кезде алмаса, жүктілік кезінде салдыра алады.
Еске салайық, бұған дейін Профилактикалық медицина академиясының президенті Алмаз Шарман коронавируспен ауыратын адамдардың неге ауруды қайта жұқтыратынын айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
