+7 (777) 001 44 99
Қазақша
Русский
English
Швейцариядағы Рейнау ауылында эксперимент ретінде тұрғындарға қайтарымсыз ақша таратылады, - деп хабарлайды Тengrinews.kz тілшісі Süddeutsche Zeitung газетіне сілтеме жасап.
Бұл эксперимент ақша пайда болғаннан кейін адамдар өзін қалай ұстайтынына бағытталған. Жобаның авторы режиссер Ребекка Пэниан болды. Ауыл тұрғындарының көбі бұл экспериментті құптап, дауыс берген.
Рейнау тұрғындарына ай сайын 2 500 швейцариялық франк яғни 2 584 АҚШ доллары көлемінде төлем жасалмақ. Бұл әлеуметтік тәжірибеге ақшаны краудфандинг арқылы жинау жоспарланып отыр екен.
Екі жыл бұрынғы республикалық референдумда швейцариялықтар "жеңіл ақшаға" қарсы болған. Алайда, жобаның авторлары жұрттың әлеуетін арттыратынын айтып, мәлімдеген.
Мұндай тәжірибе осыған дейін Намибия мемлекетіндегі Виндхука қаласында жасалған. Төленген ақша он еуро болса да, жоба қатысушылары өз бойынан талантты аңғарып, халықтың табысы 29 пайызға дейін өсіп, жұмыссыздық екі есеге дейін қысқарған. Дәл осындай жетістікке 2011 жылы Үндістан мемлекеті де жеткен. Таңдап алынған бірнеше ауылдың экономикалық белсенділік көрсеткіштері айтарлықтай өскен екен.
