Эквадор түрмелеріндегі тәртіпсіздік: 60-тан аса адам қаза тапты

Фото: twitter.com/3MediaTelugu

Эквадор түрмелеріндегі тәртіпсіздіктен 60-тан аса адам қаза болды, - деп хабарлайды Deutsche Welle.

Эквадордың үш түрмесінде, Гуаяс, Котопахи және Асуай провинциясында тұтқындар арасында тәртіпсіздіктер басталды. Басылым мәліметіне сүйенсек, 62 тұтқын тәртіпсіздік құрбаны болған.

Эквадор президенті Ленин Морено Twitter-парқшасында зорлық-зомбылықтың артында қылмыстық топтар тұрғанын жазды.

Organizaciones criminales realizan acciones de violencia simultáneas en varios centros penitenciarios del país. La @PoliciaEcuador en coordinación con el Ministro de Gobierno, @ppazminoec, están actuando para retomar control de cárceles en Guayaquil, Cuenca y Latacunga. https://t.co/9gdGoWTQHr
— Lenín Moreno (@Lenin) February 23, 2021

Reuters

Прокуратура Гуаякильдегі жағдайды бақылауға алған полиция тұтқындар камераларынан атыс қаруын, пышақтар мен ұялы телефондарды тәркілегенін хабарлады.

Reuters

Түрмелерде қаза тапқандардың бәрі тұтқын. Полиция қызметкерлері арасында қаза болғандар мен зардап шеккендер туралы ақпарат жоқ. Алдын ала мәліметтер бойынша, тәртіпсіздіктер себебі есірткі саудалайтын бандалар арасындағы күрес.

Бұған дейін Италия түрмелерінде коронавирус инфекциясы таралуын болдырмау шараларына қарсы тәртіпсіздіктер басталғаны хабарланған еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!